Stock

ዋሕስ ናይ ገዛ ቁጠባን ህንፀትን ኣ/ማ ናይ አክስዮን መሸጣ እናካየደት እትርከብ እንትትከውን አፈፃፅሙን ረብሑን ድማ ከምዚ ዝስዕብ ተቀሚጡ አሎ

ናይ ሓደ አክስዮን ወይ ዕጫ ዋጋ ብር 2,000 ብር እንትኾን
ሓደ አብ ትካልና አባል ንኽኾን ዝደሊ ውልቀ ሰብ ወይ ትካል ዝተሓተ መጠን አክስዮን 20 ዝለዓለ ድማ 750 ዕጫ ምግዛዕ ይፅበይ።
ናብ ገንዘብ እንትቅየር ድማ ካብቲ ዝተሓተ 40,000 ብር ክሳብ እቲ ዝለዓለ መጠን ገንዘብ 1,500,000 ብር እዩ።
አከፋፍላ ዝምልከት እቲ ንኽገዝእዎ ዝወሰኑ መጠን ገንዘብ ብሓደ ግዘ ወይ ድማ አብ ክልተ ዙር ክኸፍሉ ይኽእሉ እዮም።
ብዙይ መሰረት እቲ ፍርቂ ናይ አክስዮን ዋጋ ናይ መመዝገቢ 5% አብ መጀመርያ ዙር ዝክፈል እንትኸውን እቲ ዝተረፈ (50%) ድማ ዕድጊት ካብ ዝፍፀመሉ ዕለት ጀሚሩ ኣብ ዘሎ አርባዕተ ወርሒ ውሽጢ ተኸፊሉ ይውዳእ።
ዝኾነ ናብ ትካልና አታዊ ዝግበር ገንዘብ ብባንኪ ዝፍፀም እንትኸውን ፤ ዓማዊል እቲ አታዊ ዝገበረሉ ደርሰኝ ናብ ትካልና ሒዞም ብምምፃእን ተወሳኺ ናይ ትካልና ደረሰኝ ብምውሳድን ናይ ትካልና አባላትን ሰብ ዋናን ምዃኖም የረጋግፁ።

አብ ትካልና ዙርያ መለስ ተሳትፎ ይህልዎም። ንአብነት አብ አኼባታት ምስታፍ ፣ ምግምጋም ፣ ውሳነታት ምምሕላላፍ ሓዊሱ ክመርፁን ክምረፁን ሙሉእ መሰል አለዎም።
ትካልና አብ ዝነጠፈሎም ዕውዲ ስራሕቲ ዙርያ ዘስርሕ ዓቕሚ ፣ ክእለት ፣ ብቕዓትን ፣ ልምድን ድሌትን እንተሃልይዎም ስራሕ ናይ ምርካብ መሰሎም ሕልው እዩ።
እዚ ትካል ትርፊ አብ ዝረኸበሎም ግዝያት በብዓመቱ ንኣባላቱ ትርፊ እንተከፋፍል በተን ዝገዝእዎን በዝሒ አክስዮን ተሓሲቡ ዝበፅሖም መጠን ትርፊ ተጠቓሚ ይኾኑ።
ገዛ ክሰርሑ ፣ ክገዝኡን ክካረዩን ንዝደልዩ አባላት አክስዮን ቀዳምነት ናይ ምትእንጋድ መሰል አለዎም።
አብ ዓውዲ ኮንስትራክሽን ምስ ዝተዋፈሩ አባላቱ 'ውን ናይ ዕዳጋ ምትእስሳር ብምፍጣር ተጠቐምቲ ክኾኑ ይገብር።
ናይታ ትካል ምህርትን አገልግሎትን ብምፍላጥን ብምሽያጥን ናይ ኮምሽን ተረባሒ ይገብር።
ኣብ ዕላማታትና ዝተዘርዘሩ ስራሕቲ ውክልና ወሲዶም ክሰርሑ ይግበር።